عدد الضغطات : 2,719
ينتهي : 30-01-2015
الامتياز و سنة التخرج
عدد الضغطات : 87عدد الضغطات : 89
عدد الضغطات : 75عدد الضغطات : 37


موضوع مغلق
 
أدوات الموضوع انواع عرض الموضوع
  #1  
قديم 16-06-2012, 11:24 PM
الصورة الرمزية Dr.MeDo
Dr.MeDo Dr.MeDo غير متواجد حالياً
College of Medicine
 
تاريخ التسجيل: Jul 2011
المشاركات: 3,136
افتراضي ヅ نبذه عن السنة التحضيرية للكيات الصحية ヅ


السلام عليكم ورحمة الله وبركآته ,,

فـي البدآيةة آحب آبآرك لكككمـ بـ النجآح والتخرج ,, وآسأل الله لكمـ التوفيق في حيآتكمـ العلمية والعمـلية ,, وفآلكمـ آلدرجآت العآليه فـي اختبآر التحصيلي

طبعآ بتعرفوون كـيـف آن الثآنوية كآنت حلووهـ بعد مآ تدخلوون الجآمعه وتتمننون انكمـ مآ تخرجتوآ ,,

لكـن ميزة الجآمعةة آنكـ حُر ,, مآ فيهآ تقييد مثل المدرسسه نقرتين لعرض الصورة في صفحة مستقلة ,,

آلكـثـير من الطلاب شآيل همـ التقديمات والجامعات و و و ,,

طبعآ آنآ كنت السنه المآضيه مثلكـمـ ,, لكـن قدّموا على كـل الجآمعآت ,, وآدخلوآ التخصصآت اللي تطمحون لهآ بـأنفسسكمـ ,, والتخصصات اللي لكم رغبة فيها شخصيا ,, مهوب اجبار من الآهـل ,, لآن هنآك مقوولة " الرغبة نصف النجاح "

وكمـآ يسرنـي آرحب بكمـ فـي البرنآمج الموحد للكليآت الصحية بـجامعة سلمان بن عبدالعزيز ( السنه التحضيريه ) <~ وش رآيكمـ قلبت لغة عربية فصحى نقرتين لعرض الصورة في صفحة مستقلة ,,

طبعآ آبعطيكمـ نبذه بسيطه عن البرنآمج

آلبرنآمج الآن يشتمل على أربعة تخصصات ,, وهـي :
1- كلية الطب ( طب وجراحه ) .
2- كلية طب الآسنآن .
3- كلية الصيدلة ,
4- كلية العلوم الطبيه التطبيقية ,,


طبعآ مآ تتخصصون إلا بعد السنه التحضيرية ,,

آمآ السنه التحضيريهـ /

فـهـي السنه الآولى فـي الجآمعة واللي عليها يعتمد تخصيصك حسب معدلكـ وحسب رغبتك ,,

الترمـ الآول بيكون عندكمـ 7 مواد ,, وبتكـون مكثفة لغة إنجليزيه ,,

نقرتين لعرض الصورة في صفحة مستقلة

قـبـل اعطيكم النبذة عن كل مادة ,, ابغى اقول لكم لا آحد يخآف من اللغة ,, أو بالآصح لا تشيل همهآ ,, إذآ تقدر حاول تتعلم انجليزي في هالآجآزة ,,

لكـن آنآ كآنت لغتي قبل ادخل السنه التحضيريه شبه معدومه ,, والحمدلله الحين تحسسنت كثير كثير ,, يعنـي لا آحد يخاف ويقول كل المواد انقليزي و و و و و اغلب الطلاب مثلك لغتهم مش ولا بد ,, لكـن إذآ تبي تدعس وتجيب معدل عالـي يبي لك شوي انجليزي عشآن تتميز عن غيركـ من الطلاب ,,


وهذي نبذه عن كل مادة :

• سلم 101 /

المادة هذي بالعربي ,, ومن اسمها واضح اسلاميات ,, طبعاً تعتبر فآكهة المواد لآنها بالعربي وعن الدين ,, وفيها بعض الآشيآء اللي اخذتوها من قبل في الثانوي والمتوسط ,, تقدر تقول انها قريبة من مادة التوحيد في المدرسه ,, بس هذي فيها توسع شوي ,, محاضرة وحده بالاسبوع ,, والمادة هذي لا تضيعون الدرجات فيهآ ,, حاولوا قد ما تقدرون تجيبون A+ فيها ,, عشآن تساعدكم برفع المعدل ,,

• إحصاء حيوي /

طبيعة المادة شبيهه بالرياضيات يعني قوانين وامثلة ومسائل و و و <~ الآحصآء جزء من الرياضيات ,, المادة هذي لازم تركزون فيها من البداية ,, وتحلّون الواجبات اول بأول ,, <~ اتذكر فيه كم دكتور كانوا يعطون الطلاب واجبات اسبوعياً ,, تعتمد غالباً على فهمك لـ القوانين والتدرب عليه والتدرب عليه والتدرب عليه ,, إذا ما تدربت بتروح المعلومات كلهآ ,, المادة هذي بتكون بالانجليزي ,, لكن الدكتور يشرح لكم بالعربي ,, غآلباً تكون الآسئلة من نفس المذكرآت اللي بيعطيكم إياها الدكتور او بينزلها في المكتبة ,, بس احياناً تغيير ارقام بسيطة ,, آعيد واكرر المادة هذي يبغى لك تركز في المحاضرات ,, وتحاول تقلل من غيابك في هالمادة ,, لأن مواضيعها مرتبطة ببعض ,, ولو فاتك محاضرة وكانت ظروفك صعبه رح للدكتور بالمكتب حقه وخله يشرحها لك ,, بنفس الآسبوع ,, يعني قبل تأخذون المحاضرة اللي بعدها ,,

• مهارات التحدث والاستماع /

المادهـ هذي كآن بعض من الطلاب متخوفين منها بسبب آحد الدكاترهـ كانوا يقولون انه يصعّعّب الآسئلة ويشد عليهم و وو و ,, طبعآ الدكتور هذآ الآن خلاص طلع وراح لـ آمريكآ ,, آنآ آحد طلابهـ ,, وبصرآحة الدكتور هذآك يهتم بالشيء اللي يفيد الطالب فقط ,, ويشد عليك من اجل مصلحتك ,, وانا اعتبرهـ من الناس اللي افادوني بشكل كبييير في تطوير لغتي الآنجليزيه .

خلوونـي اتكلم عن المآدة نفسسهآ ,, طبيعة المادة انك في كل محاضرة تاخذ لسننق وتحصل عندك في الكتاب تمارين فوكاب والتعريف حقها بالآنجليزي ,, طبعآ اللسننق يشغله لك الدكتور من اللابتوب ( يعنـي صوت تسمعوونه وانتم تحاولون تفهمون معاني الكلمات من اللسننق اللي يتكلمـ ) ,, طبعا بيقسمونكم لمجموعات كل مجموعة فيها اربعة طلاب ,, عشآن تحلون التمارين سوآ ,, <~ وهنا يجبرك الدكتور تتكلم انقليزي ,, وتكون عرفت للمهارتين سوا " التحدث و الأستماع " طبعا التحدث كل يوم يكون هناك متحدث رسمي للمجموعة بشرط ان كل الطلاب يصيرون متحدثين رسميين بشكل متكرر ,, المادة حلووهـ لكـن يبي لك تحمـل مقاطع الصوت من الموقع اللي على النت وتسمعها كثيير عشآن تسساعدك كثير ايام الاختبآرآت ,, الكتاب المقرر علينا كان لفل تو ,, اللي بعدنا اعطوهم انترودكشن <~ يعنـي مبتدئين ,,

• مهارات القراءة /

مادة حلووهـ و ممتعة وليست صعبة ,, عدد سآعآتهآ / سآعتين ,, طبعآ الكتآب اللي آخذنآهـ حنآ اسمه reading power لونه احمر ,, بسس لا تشترونه لين تبدأ الدرآسة ويقررون عليكم المقرر , , المهم الكتآب ممتع ومآ فيه ذيك الصعوبة ,, طريقته 4 اجزاء ,, راح تآخذون شوي من الجزء الآول ,, وكل جزء تأخذون شوي ,, ثم ترجعون من جديد لبعض المواضيع في الجزء الأول والثاني اللي ما أخذتوهآ ,, وفيها بعض المهارات الحلوة اللي تفيدك في لغتك الآنجليزية بشكل عام ,, مثل مهارة انك تفهم معنى الكلمة من صياغة الجملة اللي قبلها واللي بعدها ,,
,, < =- , بشكل عام المادة سهله وحلووه وبسسيطه ,, وبسسهوله تقدر تجيب A+ مع الإجتهاد البسيط والانتباه مع الدكتور اثناء المحاضرات ,,

• مهارات الكتابة /

هذي المادة كنت احبها بسبب الدكتور حقهآ "دكتـور يآسر نقرتين لعرض الصورة في صفحة مستقلة نقرتين لعرض الصورة في صفحة مستقلة نقرتين لعرض الصورة في صفحة مستقلة " ,, طبعا طبيعة المادة يعلّمونكـ كيف تكتب برقرافات والخطوات و و و ,, يعنـي تقريباً شبيهه بمادة التعبير في المتوسط ,, لكـن هذي بالأنجليزي وكذلكـ هذي تدرس كيف طريقة التعبير وكيف طريقة تنظيم البراقراف ,, هذآ الجزء الآكـبـر من هذه المآدةة ,, وفيه مواضيع اخرى لكـن الآغلبية كيف تكتب برآقرآف <~ وهذي هي طبيعة المادة ,, وسسهله وممتعة ,, طبعآ دكتورنا كآن يعطينا كل اسبوع هوم وورك ونكتب له براقراف ونجيبه يوم السبت ,, وفعلآ تطورت مهاراتنا بقووة .

• مهارات الحاسب الآلي /

هذي المادة عاد عشقي الوحيد ,, وعليها الآكثر سآعات ,, عليها 3 ساعات وتأثر في المعدل ,, طبعا اكيد كلكم تعرفون للكمبيوتر ,, وفي هالمادة رآح تأخذون شرح للويندوز ,, وبعدين معلومات عامه عن الكمبيوتر وكذآ ’, وبعدها بتدخلون في الآوفيس ( وورد – اكسل – بوربوينت – اكسس – وغيرهآ ) طبعآ المادة ذي سهله جداً بالنسبة لـي ,, وآعتقد لكـثير من الطلاب ,, والحمدلله أخذت فيها A+ بالراحة <~ كآن يشرح للدكتور نقرتين لعرض الصورة في صفحة مستقلة نقرتين لعرض الصورة في صفحة مستقلة ,, بسس مهوب تهملوونها وتقولون سهله ,, انا قلت لكم سهله بالنسبة لـي لآني عارف كل شيء من قبل يشرح ,, يعني لو عطوني اختبار الفاينل قبل ادرس المادة كان اخذت الدرجة الكاملة ,,
المادة فيها قسمين ,, قسم عمـلي وقسم نظري ,, القسم النظري بتأخذونه في البداية ومعه شوي عمـلي ( الويندوز والمعلومات عن الحاسب ) وأما برامج الآوفيس اغلبها عمـلي ,,
مآ آبي آخوفكمـ ,, لكـن الشيء الوحيد اللي يمكن تحسون فيه بصعوبة في هالمادة هو انها بتكون بالانجليزي ,,

(( المواضيع كلها أخذتوها في الثانوي بسس بالعربي ))

• مهارات الآتصآل /

هذي المادة تأخذونها باللغة العربية ,, مآدة بسسيطةة وتعتمد على الحفظ غالباً .. بتدرسون فيها كيف تتعامل مع الاشخاص وانواع الاشخاص في الحياة ( انعزالي – اجتماعي – راعي مزح وفله - ... إلخ ) المادة هذي بحكم انها باللغة العربية لازم تبدعوون فيها ,, لآنهآ سهله جداً بس يبي لك شوي حفظ مع قليل من الفهم ,, بتكون محاضرة وحده في الآسبوع فقط ,, وبتدروسون كيفية التعامل مع الناس ,, وكيف تتعامل مع المسؤول وتجذب انتباهه و و و ,, ايه وبتدرسون تعريف التواصل وانواع التواصل ,, طبعاً المقرر حقها موجود بمكتبة الآشرآق اسمه مهارات الآتصال ,, علم 1400 ,, ومآ آظن انهم يغيرونه الترم الجآي ,, امممم بسس هذآ اللي اتذكرهـ عن هالمقرر ,,

وبسس هذي المواد بشكل مبسسط ,, طبعاً فيه ملاحظة على مادة السلم 101 وعلى مادة مهارات الاتصال ,, المادتين هذي الغياب المسموح لك فيها محاضرتين خلال الترم ,, قد يتجاوز بعض الدكاتره ويخلونها ثلاث محاضرات في الترم كامل ,, يعني لو غبت اكثر من كذآ بدون عذر راح تأخذ حرمان وما تدخل الاختبآر ,, <<~~ النقطةة هذي مهوب لازم تفهمونها آلآن لآنكم بتعرفونها لما تدخلون الجامعة ,, لكن خلوا ببالكم انكم تقللون من الغياب قدر المستطاع ,,

هذا فيما يخص الترم الآول ,,
وبقول لكم ملاحظة ,, ترآ الترم الآول يسمونه ترم المعدل ,, يعني حاول حاول حاول تجيب اعلى معدل تقدر عليه ,, لآن مواد الترم الثاني اصعب شوي ,, وما راح يمديك ترفع المعدل إلا إذا اجتهدت مرره ,,
ومواد الترم الآول بسسيطه وبتتذكرون كلامي إذا بديتوا الترم الثانـي ,, لآنكم بتبدأون في المواد الآكثر صعوبة ,,

وهذي مواد التـرمـ الثآنـي /

نقرتين لعرض الصورة في صفحة مستقلة

آي وآحد عنده استفسآر أو آي شيء لا يتردد ,, أسأل ونحن في خدمتك 24 سآعه ,, نقرتين لعرض الصورة في صفحة مستقلة <~ بقّآلهـ موب عضو نقرتين لعرض الصورة في صفحة مستقلة

تقـبـلوا تحيآتـي نقرتين لعرض الصورة في صفحة مستقلة نقرتين لعرض الصورة في صفحة مستقلة نقرتين لعرض الصورة في صفحة مستقلة

__________________


[ يا رب توفيقكك نقرتين لعرض الصورة في صفحة مستقلةنقرتين لعرض الصورة في صفحة مستقلة ]


موضوع مغلق



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



الساعة الآن 11:56 AM.


Powered by vBulletin Version 3.8.7
Copyright ©2000 - 2014, Jelsoft Enterprises Ltd Al7olol.com
Ads Management Version 3.0.1 by Saeed Al-Atwi

هذا المنتدى هو تجمع طلابي لا يتبع الجامعة بشكل رسمي , وجميع ما يكتب فيه يعبر عن رأي كاتبه الشخصي فقط